Семавик® Некст — дору барои кам кардани вазн ва нигоҳ доштани вазни бадан буда, ҷузъи фаъолаш семаглутид мебошад. Семаглутид муодили пептиди 1 — глюкагонмонанди (МГП 1)-и инсон мебошад, ки пас аз истеъмоли ғизо аз рӯда ҷудо мешавад. Семавик® Некст ба ретсепторҳои майнаи сар, ки иштиҳои Шуморо назорат мекунанд, таъсир расонида, эҳсоси серӣ ва камшавии гуруснагӣ, ҳамчунин кам гардидани ҳавас ба ғизоро ба вуҷуд меорад. Ин ба Шумо кӯмак менамояд, ки ғизоро камтар истеъмол намуда, вазни баданро паст кунед. Семавик® Некст ҳамчун илова ба парҳези камкалория ва машқҳои ҷисмонӣ тавсия дода мешавад.

Нишондодҳо барои истифода

Доруи Семавик® Некст барои истифода дар калонсолони аз синни 18-сола ҳамчун илова ба парҳези камкалория ва машқҳои ҷисмонӣ барои назорати вазни бадан, аз ҷумла кам кардан ва нигоҳ доштани он, дар калонсолоне, ки индекси ибтидоии вазни бадан (ИВБ) доранд, тавсия дода мешавад:

• ≥ 30 кг/м2 (фарбеҳӣ)
• ≥ 27 кг/м2, аммо < кг/м2 (вазни зиёди бадан) ҳангоми мавҷуд будани ҳадди ақал як патологияи ҳамроҳшавандаи вобаста ба вазни бадан, масалан дисгликемия (предиабет ё диабети қанди навъи 2 (ДҚ2)), фишори баланди хун, дислипидемия, апноэи обструктивии хоб ё бемориҳои дилу раг.

Доруи Семавик® Некст барои истифода дар калонсолони аз 18-сола, ки бемории муайяншудаи дилу раг ва фарбеҳӣ ё вазни зиёди бадан доранд, барои коҳиш додани хатари ҳодисаҳои ҷиддии дилу рагҳо таъин шудааст*

^*Ҳодисаҳои асосии дилу рагҳо дар бар мегиранд: марг бо сабаби нуқсонҳои дилу рагҳо, сактаи миокарди ғайримарговар ва сактаи майнаи сари ғайримарговар.

Агар беҳтаршавӣ ба назар нарасад ё Шумо худро бад ҳис кунед, бояд ба духтур муроҷиат намоед.

Нишондиҳандаҳои манъи истеъмол

Доруи Семавик® Некст-ро истифода набаред, агар дар Шумо:

• ҳассосияти баланд ба семаглутид ё ягон ҷузъи ёрирасони таркиби дору, ки дар бахши 6 номбар шудаанд;
• саратони ғадуди сипаршакли медуллярӣ дар таърихи бемориҳо, аз ҷумла дар таърихи бемориҳои ирсӣ;
• Неоплазияи сершумори эндокринӣ (НСЭ) навъи 2;
• диабети қанди навъи 1 (ДҚ 1);
• кетоатсидози диабетӣ;
• норасоии шадиди кори ҷигар;
• марҳилаи терминалии бемории гурда д(клиренси креатинин (КК) < мл/дақ);
• норасоии музмини дил (НМД) синфи IV-и функсионалӣ (мувофиқи таснифоти Ассотсиатсияи кардиологии Ню-Йорк (NYHA)).

Дастурҳои махсус ва чораҳои эҳтиётӣ

Дар бораи истифодаи доруи Семавик® Некст бо духтури табобатӣ машварат кунед.

Ҳатман духтури табобатии худро огоҳ намоед, агар яке аз ҳолатҳои дар поён зикршуда ба Шумо дахл дошта бошад:

• Агар дар Шумо вайроншавиҳо аз ҷониби роҳҳои меъдаю рӯда вуҷуд дошта бошанд
  Ҳангоми табобат бо доруи Семавик® Некст дар Шумо мумкин аст аксуламалҳои номатлуб аз ҷониби роҳҳои меъдаю рӯда (РМР), ба монанди дилбеҳузурӣ, қайкунӣ ё дарунравӣ пайдо шаванд, ки метавонанд боиси беобшавии организм (талафоти моеъ) гарданд ва дар ҳолатҳои нодир ба бадшавии фаъолияти гурдаҳо оварда расонанд. Муҳим аст, ки Шумо барои пешгирии беобшавӣ миқдори кофии моеъ бинӯшед. Ин махсусан муҳим аст, агар дар Шумо мушкилоти гурда вуҷуд дошта бошанд.
• Агар Шумо қаблан гирифтори панкреатит (илтиҳоби ғадуди зери меъда) шуда бошед
• Агар дар Шумо пайдо шаванд дарди шадид ва давомдори шикам, зардаҷӯши, дилбеҳузурӣ ё қайкунӣ, бадшавии ҳолати умумӣ пайдо шаванд, фавран ба духтур муроҷиат намоед, зеро ин метавонад нишонаи панкреатити шадид (илтиҳоби ғадуди зери меъда) бошад.
• Агар дар Шумо нишонаҳои холесистит пайдо шаванд (илтиҳоби талхадон) — дард дар қисми рости зери қабурға, ки метавонад ба китф, теғи китф ё устухони чанбар паҳн шавад, дилбеҳузурӣ, оруғдиҳӣ, пайдо шудани зардшавии сафедии чашм ё пӯст, хориши пӯст.
• Агар дар Шумо диабети қанди навъи 2 пайдо шаванд
  Доруи Семавик® Некст ивазкунандаи инсулин намебошад.
  Доруи Семавик® Некст-ро дар якҷоягӣ бо дигар агонистҳои ретсепторҳои МГП-1 истифода набаред, зеро ин метавонад ба зиёд шудани аксуламалҳои номатлуб ва вояи аз меъёр зиёд оварда расонад.
• Агар Шумо ҳосилаҳои сулфонилмочевина ё доруҳои инсулинро истифода намоед. Дар якҷоягӣ истифода бурдани ин доруҳо бо доруи Семавик® Некст метавонад хавфи паст шудани сатҳи қанди хун (гипогликемия)-ро зиёд намояд. Эҳтимол ба Шумо кам кардани вояи доруҳои сулфонилмочевина ё инсулин лозим шавад, бинобар ин бо духтури табобатӣ машварат кунед.
• Агар дар Шумо ретинопатияи диабетӣ (бемории диабетикии чашм) мавҷуд бошад Беҳтаршавии босуръати назорати сатҳи қанди хун метавонад ба шиддат ёфтани муваққатии бемории диабетикии чашм оварда расонад. Агар Шумо мушкилоти босира дошта бошед, бо духтури худ машварат намоед.

Истифодаи доруи Семавик® Некст дар ҳолатҳо/бемориҳои зерин тавсия дода намешавад, зеро маълумот оид ба самаранокӣ ва бехатарӣ мавҷуд нест ё таҷрибаи истифода маҳдуд аст:

• истифодаи дигар доруҳо барои коҳиши вазни бадан;
• диабети қанди навъи 1;
• норасоии шадиди ҷигар;
• марҳилаи ниҳоии норасоии гурда;
• норасоии музмини дил (НМД) синфи IV-и функсионалӣ (мувофиқи таснифоти NYHA).

Доруи Семавик® Некст-ро бо эҳтиёт истифода кардан зарур аст, агар дар Шумо:

• синну соли аз 75 боло;
• норасоии сабук ё миёнаи ҷигар;
• бемориҳои илтиҳобии рӯда;
• парези диабетии меъда мавҷуд бошанд.

Хатари аспиратсия ё пневмонияи аспиратсионӣ

Ҳангоми гузаронидани амалиётҳои ҷарроҳӣ таҳти анестезияи умумӣ ё седатсияи амиқ дар бемороне, ки агонистҳои МГП-1 мегиранд, бинобар суст шудани холишавии меъда ва мавҷуд будани муҳтавои боқимондаи меъда, хатари пайдоиши аспиратсия ё пневмонияи аспиратсионӣ вуҷуд дорад.

Дигар доруҳо ва Семавик® Некст

Ба духтури табобатии худ хабар диҳед, агар Шумо ягон доруи дигарро истифода намоед, ё ба наздикӣ истифода карда бошед ё мумкин аст истифода карданро оғоз намоед.

Ба духтури худ хабар диҳед, агар Шумо доруҳои дорои варфарин ё дигар доруҳои ба ин монандро барои паст кардани лахташавии хун (антикоагулянтҳои пероралӣ) истифода намоед. Эҳтимол ба Шумо барои муайян кардани қобилияти лахташавии хун зуд-зуд таҳлили хун зарур шуда метавонад.

Ҳомиладорӣ ва синамаконии кӯдак

Доруи Семавик® Некст-ро дар вақти ҳомиладорӣ истифода набаред, зеро маълум нест, ки оё дору метавонад ба кӯдаки ояндаи Шумо таъсир расонад.

Ҳангоми истифодаи доруи Семавик® Некст аз воситаҳои боэътимоди контрасепсия истифода намоед.

Агар Шумо хоҳед,ки ҳомиладор шавед, бояд ҳадди ақал ду моҳ пеш аз ҳомиладории банақшагирифташуда истифодаи доруи Семавик® Некст-ро қатъ намоед.

Агар Шумо ҳомиладор бошед ё фикр кунед, ки ҳомиладор шуда метавонед, ё дар давраи истифодаи доруи Семавик® Некст таваллуди кӯдакро ба нақша гиред, фавран бо духтури табобатӣ машварат кунед, зеро табобат бо доруи Семавик® Некст бояд қатъ карда шавад.

Агар Шумо дар давраи синамаконӣ қарор дошта бошед, доруи Семавик® Некст-ро истифода набаред, зеро маълум нест, ки оё дору ба шири модар мегузарад ё не.

Идоракунии воситаҳои нақлиёт ва кор бо механизмҳо

Семавик® Некст ба қобилияти Шумо барои идора кардани воситаҳои нақлиёт ва кор бо механизмҳо таъсир намерасонад. Аммо баъзе беморон метавонанд ҳангоми истифодаи доруи Семавик® Некст дар давоми 4 моҳи аввали табобат чарх задани сарро эҳсос намоянд (нигаред ба бахши «Аксуламалҳои эҳтимолии номатлуб»). Агар Шумо чарх задани сарро ҳис кунед, то беҳтар шудани ҳолататон набояд воситаи нақлиётро идора намоед ё бо механизмҳо кор кунед. Агар ба Шумо маълумоти иловагӣ зарур бошад, ба духтури табобатии худ муроҷиат намоед.

Агар дар Шумо (ДҚ2) мавҷуд бошад, ҳангоми истифодаи доруи Семавик® Некст дар якҷоягӣ бо доруҳои ҳосилаҳои сулфонилмочевина ё инсулин, сатҳи қанди хун (гипогликемия) метавонад паст шавад, ки ин метавонад қобилияти диққатро коҳиш диҳад. Агар дар Шумо ягон нишонаҳои гипогликемия пайдо шаванд, мошинро наронед ва аз механизмҳо истифода набаред (барои маълумот оид ба хатари паст шудани сатҳи қанди хун ба бахши «Дастурҳои махсус ва чораҳои эҳтиётӣ» ва барои нишонаҳои огоҳкунандаи сатҳи пасти қанди хун ба бахши 4 нигаред). Барои гирифтани маълумоти иловагӣ ба духтури табобатии худ муроҷиат намоед.

Пайгирӣ кардан

Бо мақсади беҳтар намудани пайгирии дору, рақами силсила ва мӯҳлати истифодаи бастаи доруи истифодашударо сабт кардан зарур аст.

Моддаҳои ёрирасон

Доруи Семавик® Некст дар як воя (2.4 мг) камтар аз 1 ммол натрий (23 мг) дорад, яъне аслан дар таркибаш натрий надорад.

Ҳамеша доруро мутобиқи тавсияҳои духтури табобатӣ истифода намоед. Ҳангоми шубҳа ба миён омадан бо духтури табобатӣ машварат кунед.

Воя ва тартиби ворид кардани доруро духтури табобатии Шумо бо назардошти хусусиятҳои инфиродии Шумо интихоб менамояд.

Вояи тавсияшаванда

Калонсолон

Вояи якуми тавсияшаванда 0.25 мг як маротиба дар як ҳафта аст. Вояи терапевтии тавсияшаванда 2.4 мг як маротиба дар як ҳафта аст.

Табобати Шумо бо вояи аввала оғоз мегардад, ки дар давоми 16 ҳафтаи табобат тадриҷан ба таври зерин зиёд карда мешавад:

• Духтури Шумо ба Шумо тавсия медиҳад, ки вояро ҳар 4 ҳафта, мувофиқи ҷадвали дар поён овардашуда, тадриҷан зиёд намоед, то расидан ба вояи тавсияшавандаи табобатӣ — 2.4 мг як маротиба дар як ҳафта.
• Пас аз он ки Шумо ба вояи тавсияшавандаи 2.4 мг расед, минбаъд дигар ин вояро зиёд накунед.

Вояҳои ҳафтаинаи зиёда аз 2.4 мг тавсия дода намешаванд. Духтури табобатии Шумо табобати Шуморо мунтазам арзёбӣ мекунад.

Истифода дар кӯдакон ва наврасон

Самаранокӣ ва бехатарӣ барои кӯдакон муайян карда нашудааст.

Роҳ ва тарзи воридкунӣ

Доруи Семавик® Некст бо ёрии қаламчаи сӯзандору дар шакли тазриқ зери пӯст (тазриқи зерипӯстӣ) ворид карда мешавад. Ҳеҷ гоҳ доруи Семавик® Некст-ро ба варид ё мушак ворид накунед.

• Беҳтарин ҷойҳо барои тазриқ пешбозу, шикам ё қисми болоии рон мебошанд.
• Пеш аз истифодаи аввалини қаламчаи сӯзандору аз духтури табобатии худ пурсон шавед, ки чӣ тавр онро истифода бурдан зурур аст. Дастурамал оид ба истифодаи қаламчаи сӯзандоруи яккаратаи бисёрвояи қаблан пуркардашудаи Семавик® Некст, ки дар бастабандӣ замима шудааст, бодиққат бихонед. Қаламчаи сӯзандоруро танҳо мутобиқи дастурамали истифодаи он истифода намоед.
• Ҳамеша санҷед, ки Шумо вояи зарурии Семавик® Некст-ро истифода мебаред.

Доруи Семавик® Некст-ро дар як ҳафта як маротиба ва, агар имкон бошад, ҳар ҳафта дар як рӯзи муайян ворид намоед. Дар ҳолати зарурӣ Шумо метавонед рӯзи тазриқи ҳафтаинаи ин доруро тағйир диҳед, агар аз лаҳзаи тазриқи охирини Шумо на камтар аз 3 рӯз гузашта бошад. Пас аз интихоби рӯзи нави истифодаи дору, истифодаи онро дар як ҳафта як маротиба дар ҳамон рӯз идома диҳед.

Шумо метавонед тазриқро дар дилхоҳ вақти рӯз, новобаста аз истеъмоли ғизо, ворид намоед.

Беморони гирифтори диабети қанди навъи 2

Ба духтури табобатии худ хабар диҳед, агар Шумо бемори гирифтори ДҚ2 бошед. Духтури Шумо метавонад вояи доруҳои барои табобати ДҚ2 истифодашавандаро барои пешгирии кам шудани сатҳи қанди хун ислоҳ намояд.

• Доруи Семавик® Некст-ро бо дигар доруҳое, ки зерипӯстӣ ворид карда мешаванд (масалан, инсулинҳо), дар якҷоягӣ истифода набаред.
• Доруи Семавик® Некст-ро дар якҷоягӣ бо дигар доруҳои дорои агонистҳои ретсепторҳои МГП-1 (ба монанди лираглутид, дулаглутид, эксенатид ва ё ликсисенатид) истифода набаред.

Давомнокии табобат

Духтури табобатии Шумо ҳолати Шуморо мунтазам арзёбӣ намуда, ба Шумо тавсия медиҳад, ки доруи Семавик® Некст-ро дар давоми чӣ қадар вақт бояд истифода намоед.

Агар Шумо доруи Семавик® Некст-ро дар вояи зиёдтар аз миқдори зарурӣ истифода карда бошед

Фавран ба духтури табобатии худ муроҷиат намоед. Дар Шумо мумкин аст, аксуламалҳои номатлуб аз ҷониби роҳҳои меъдаю рӯда (РМР), ба монанди дилбеҳузурӣ, қайкунӣ ё дарунравӣ пайдо шаванд. Ин метавонад боиси ба беобшавӣ оварда расонад, ки дар ҳолатҳои нодир метавонад боиси бад шудани фаъолияти гурдаҳо гардад.

Агар Шумо истифодаи доруи Семавик® Некст-ро фаромӯш карда бошед

Агар Шумо ворид кардани вояро фаромӯш карда бошед ва:

• аз вақте ки Шумо бояд тазриқи Семавик® Некст-ро ворид менамудед, 5 рӯз ё камтар гузашта бошад — вояи фаромӯшшударо ҳамон лаҳза, ки ба хотир овардед, ворид намоед. Баъдан вояи навбатиро, тибқи муқаррарӣ, дар рӯзи таъиншуда ворид намоед.
• аз вақте ки Шумо бояд тазриқи Семавик® Некст-ро ворид менамудед, зиёда аз 5 рӯз гузашта бошад — вояи фаромӯшшударо ворид накунед. Мунтазир шавед ва вояи навбатиро тибқи муқаррарӣ дар рӯзи банақшагирифташуда ворид намоед.

Ҳеҷ гоҳ барои вояи истифоданашудаи боқимонда вояи дукаратаро ворид накунед.

Агар Шумо истифодаи доруи Семавик® Некст-ро қатъ карда бошед

Бе машварат кардан бо духтури табобатии худ истифодаи доруи Семавик® Некст-ро қатъ накунед. Агар Шумо ягон савол оид ба истифодаи доруи Семавик® Некст дошта бошед, ба духтури табобатӣ муроҷиат намоед.

Ба монанди ҳамаи доруҳо, доруи Семавик® Некст метавонад аксуламалҳои номатлубро ба вуҷуд оварад, аммо онҳо на дар ҳамаи беморон пайдо мешаванд.

Аксуламалҳои ҷиддитарини номатлуб

Истифодаи доруи Семавик® Некст-ро қатъ намуда, ҳангоми пайдо шудани яке аз нишонаҳои зерини аксуламали шадиди ҳассосият (реаксияҳои анафилактикӣ, варами ангионевротикӣ), ки дар ҳолатҳои нодир мушоҳида шудаанд (метавонанд на бештар аз 1 нафар аз 1000 нафарро фаро гиранд), фавран барои гирифтани ёрии тиббӣ муроҷиат намоед:

• душвории нафаскашӣ ё фурӯ бурдан;
• чарх задании сар;
• варами рӯй, лабҳо, забон ё гулӯ;
• хориши шадиди пӯст, пайдо шудани донача ё обилаҳо;
• ҳолати пеш аз беҳушшавӣ (паст шудани фишори хун) бо тез шудани набзи дил ва зиёд шудани арақкунӣ;
• рангпарида ва сардии пӯст, чарх задании сар ё сустӣ.

Агар Шумо бемори гирифтори диабети қанди навъи 2 бошед, ба духтури табобатии худ хабар диҳед, агар ҳангоми табобат бо доруи Семавик® Некст дар Шумо мушкилоти вайроншавии босира, масалан вайроншавии босира, пайдо шаванд, ки зуд-зуд мушоҳида мешаванд (метавонанд на бештар аз 1 нафар аз 10 нафарро фаро гиранд):

• Оризаҳои ретонопатияи диабетии чашм (ретинопатияи диабетӣ).

Агар Шумо нишонаҳои илтиҳоби ғадуди зери меъда (панкреатити шадид)-ро эҳсос намоед, ки баъзан вақт мушоҳида мешаванд (метавонанд на бештар аз 1 нафар аз 100 нафарро фаро гиранд), фавран барои гирифтани ёрии тиббӣ муроҷиат намоед:

• дарди шадиди тӯлонии шикам, ки метавонад ба тахтапушт паҳн шавад;
• дардҳои ногаҳонии шадид дар тамоми қисми шикам;
• зардаҷӯшӣ;
• хуруҷи қайкунӣ;
• дамиши шикам ва метеоризм;
• бад шудани ҳолати умумӣ: баланд шудани ҳарорати бадан, паст шудани фишори хун, тахикардия, арақкунӣ, рангпаридагӣ ё зардшавии пӯст./li>

Дигар ҳолатҳои аксуламалҳои эҳтимолии номатлуб, ки ҳангоми истифодаи доруи Семавик® Некст мушоҳида шуда метавонанд

Хеле зуд (дар зиёда аз 1 нафар аз 10 нафар одамон мушоҳида мешавад):

• Дарди сар;
• Дилбеҳузурӣ;
• Қайкунӣ;
• Дарунравӣ;
• Қабзият;
• Дарди шикам;
• Ҳолати эҳсоси сустӣ ё хастагӣ.

Хеле зуд (дар зиёда аз 1 нафар аз 10 нафар одамон мушоҳида мешавад):

• Чарх задании сар;
• Дисгевзия;
• Нороҳатии меъда ё ҳазмнашавии ғизо;
• Оруғкунӣ;
• Метеоризм;
• Дамиши шикам;
• Илтиҳоби меъда (“гастрит”) — нишонаҳо дарди шикам, дилбеҳузурӣ ё қайкуниро дар бар мегиранд;
• Рефлюкс ё зардаҷӯшӣ, ки инчунин “бемории рефлюксии гастроэзофагеалӣ” номида мешавад;
• Бемории санги талхадон;
• Рехтани мӯй;
• Аксуламалҳо дар ҷойи воридкунӣ;
• Паст шудани сатҳи қанди хун (гипогликемия) дар беморони гирифтори диабети қанд*.

^*Нишонаҳои паст шудани сатҳи қанди хун метавонанд ногаҳон пайдо шаванд. Ин нишонаҳоро метавонад дар бар гиранд: арақи хунук, пӯсти сард ва рангпарида, дарди сар, тез шудани набз, эҳсоси бадҳолатӣ (дилбеҳузурӣ) ё гуруснагии шадид, тағйироти босира, хоболуд ҳис кунӣ ё сустӣ, асабоният, изтироб ё сардаргумӣ, душвории диққатҷамъӣ ё ларзиш. Духтури табобатии Шумо ба Шумо мефаҳмонад, ки чӣ гуна сатҳи қанди хунро баланд бардоред ва агар ин нишонаҳои огоҳкунанда пайдо шаванд, чӣ бояд кард. Агар Шумо инчунин ҳосилаҳои сулфонилмочевина ё инсулинро истифода намоед, эҳтимоли гипогликемия бештар аст. Пеш аз оғози истифодаи Семавик® Некст духтури Шумо метавонад вояи ин доруҳоро камтар кунад.

Баъзан (метавонанд на бештар аз 1 нафар аз 100 нафарро фаро гиранд):

• Тез шудани набз;
• Паст шудани фишори хун (гипотензия);
• Паст шудани фишори хун ҳангоми гузаштан аз ҳолати уфуқӣ (нишаста ё хобида) ба ҳолати амудӣ (истода) (гипотензияи ортостатикӣ);
• Афзудани сатҳи липаза ва амилаза дар таҳлили хун;
• Суст шудани холишавии меъда.

Баъзан (метавонанд на бештар аз 1 нафар аз 1000 нафарро фаро гиранд):

• Баста шудани рӯда;
• Холангит;
• Зардпарвинии холестатикӣ.

Ба духтури табобатии худ ҳатман хабар диҳед, агар дар Шумо ягон нишонаҳои нав пайдо шаванд ё нишонаҳои мавҷуда бадтар гарданд.

Хабар додан дар бораи аксуламалҳои номатлуб

Агар дар Шумо ягон аксуламалҳои номатлуб пайдо шаванд, бо духтур машварат кунед. Тавсияи мазкур ба ҳама гуна аксуламалҳои эҳтимолии номатлуб, аз ҷумла аксуламалҳое, ки дар варақаи замимашуда зикр нашудаанд, дахл дорад. Ҳамчунин шумо метавонед оиди аксуламалҳои номатлуб мустақиман тавассути низоми хабардиҳии давлатҳои аъзои Иттиҳоди иқтисодии Авруосиё хабар диҳед. Бо хабар додан дар бораи аксуламалҳои номатлуб Шумо барои ба даст овардани маълумоти бештар оид ба бехатарии дору мусоидат менамоед.

Федератсия Россия
Хадамоти федералӣ оид ба назорат дар соҳаи тандурустӣ (Росздравнадзор) Суроға: 109012, Москва, майдони Славянская, хонаи 4, бинои 1
Телефон: +7 800 550 99 03
Почтаи электронӣ: pharm@roszdravnadzor.gov.ru
Сомона дар шабакаи иттилоотӣ-телекоммуникатсионии “Интернет”: www.roszdravnadzor.gov.ru

Доруи Семавик® Некст-ро дар ҷойҳои барои кӯдакон дастнорас нигоҳ доред, ки барои кӯдак ноаён бошад.

Пас аз тамом шудани мӯҳлати истифода, ки дар тамға ва бастабандии қаламча-сӯзандору нишон дода шудааст, онро истифода набаред. Санаи таомм шудани мӯҳлати истифода рӯзи охирини ҳамин моҳ ба ҳисоб меравад.

Доруи Семавик® Некст-ро дар яхдон дар ҳарорати аз 2°С то 8°С нигоҳ доред.

Яхбандӣ накунед, дар назди камераи яхдон ҷойгир накунед, агар дору ях баста бошад, онро истифода набаред.

Пас аз истифодаи аввал

Қаламчаи сӯзандоруи истифодашаванда ё ҳамчун захиравӣ нигоҳдошташударо бо дору дар ҳарорати на бештар аз 30°С ё дар ҳарорати аз 2°С то 8°С (дар яхдон) на бештар аз 6 ҳафта нигоҳ доред.

Яхбандӣ накунед. Пас аз истифода қаламчаи сӯзандоруро барои муҳофизат аз нур бо сарпӯш маҳкам намоед. Аз таъсири гармии аз ҳад зиёд муҳофизат намоед.

Агар мушоҳида кардед, ки маҳлул шаффоф ва беранг нест, доруи Семавик® Некст-ро истифода набаред.

Доруро ба қубурҳои обгузар нарезед. Аз корманди дорухона пурсон шавед, ки доруе, ки дигар лозим намешавад, чӣ гуна бояд партов намоед. Ин чораҳо барои ҳифзи муҳити зист мусоидат мекунанд.

Доруи Семавик® Некст дорои инҳо мебошад

Ҷузъи фаъол семаглутид мебошад.

Семавик® Некст, 0.25 мг/воя, маҳлул барои воридкунии зери пӯст

Ҳар як мл маҳлул 0.68 мг семаглутид дорад. Ҳар як қаламчаи-сӯзандоруи қаблан пуркардашуда дар таркибаш 2.04 мг семаглутидро дар 3 мл маҳлул (8 воя аз 0.25 мг) дорад.

Моддаҳои дигари таркиб: динатрий фосфати дигидрат, пропиленгликол, фенол, маҳлули 10% кислотаи хлорид ва/ё 10% маҳлули гидроксиди натрий — (барои танзими рН), об барои тазриқ.

Семавик® Некст, 0.5 мг/воя, маҳлул барои воридкунии зери пӯст

Ҳар як мл маҳлул 1.34 мг семаглутид дорад. Ҳар як қаламчаи-сӯзандоруи қаблан пуркардашуда дар таркибаш 4 мг семаглутидро дар 3 мл маҳлул (8 воя аз 0.5 мг) дорад.

Моддаҳои дигари таркиб: динатрий фосфати дигидрат, пропиленгликол, фенол, маҳлули 10% кислотаи хлорид ва/ё 10% маҳлули гидроксиди натрий — (барои танзими рН), об барои тазриқ.

Семавик® Некст, 1 мг/воя, маҳлул барои воридкунии зери пӯст

Ҳар як мл маҳлул 1.34 мг семаглутид дорад. Ҳар як қаламчаи-сӯзандоруи қаблан пуркардашуда дар таркибаш 4 мг семаглутидро дар 3 мл маҳлул (4 воя аз 1 мг) дорад.

Моддаҳои дигари таркиб: динатрий фосфати дигидрат, пропиленгликол, фенол, маҳлули 10% кислотаи хлорид ва/ё 10% маҳлули гидроксиди натрий — (барои танзими рН), об барои тазриқ.

Семавик® Некст, 1.7 мг/ воя, маҳлул барои воридкунии зери пӯст

Ҳар як мл маҳлул 2.27 мг семаглутид дорад. Ҳар як қаламчаи-сӯзандоруи қаблан пуркардашуда дар таркибаш 6.8 мг семаглутидро дар 3 мл маҳлул (4 воя аз 1.7 мг) дорад.

Моддаҳои дигари таркиб: динатрий фосфати дигидрат, пропиленгликол, фенол, маҳлули 10% кислотаи хлорид ва/ё 10% маҳлули гидроксиди натрий — (барои танзими рН), об барои тазриқ.

Семавик® Некст, 2.4 мг/ воя, маҳлул барои воридкунии зери пӯст

Ҳар як мл маҳлул 3.2 мг семаглутид дорад. Ҳар як қаламчаи-сӯзандоруи қаблан пуркардашуда дар таркибаш 9.6 мг семаглутидро дар 3 мл маҳлул (4 воя аз 2.4 мг) дорад.

Моддаҳои дигари таркиб: динатрий фосфати дигидрат, пропиленгликол, фенол, маҳлули 10% кислотаи хлорид ва/ё 10% маҳлули гидроксиди натрий — (барои танзими рН), об барои тазриқ.

Доруи Семавик® Некст дар таркибаш натрий дорад (нигаред ба бахши 2)

Намуди берунии доруи Семавик® Некст ва таркиби бастабандӣ

Маҳлули Семавик® Некст барои воридкунии зерипӯстӣ маҳлули шаффофи беранг ё қариб беранг мебошад.

3 мл дору дар картриҷҳои шишагии беранги мӯътадил (синфи гидролитикии 1) бо фишангҳои резинии аз каучуки бромбутилӣ сохташуда, ки бо сарпӯшҳои омехтаи алюминӣ ва дискҳои резинии аз каучуки бромбутилӣ сохташуда маҳкам карда шудаанд.

Картриҷ дар қаламчаи сӯзандоруи пластикии бисёрвояи яккарата барои тазриқҳои такрорӣ ҷойгир карда мешавад, ки имкони ворид намудани вояҳои 0.25/0.5/1.0/1.7/2.4 мг/вояро фароҳам меорад. Ба танаи ҳар як қаламча-сӯзандору тамғакоғази полипропиленӣ часпонида мешавад.

1 қаламча-сӯзандоруи қаблан пуркардашудаи бисёрвояи истифодаи яккарата барои тазриқҳои такрорӣ ва 1 қуттии картонӣ, ки 4 сӯзани истифодаи яккарата дорад, ҳамроҳ бо варақаи замимашуда, ки дастурамал оид ба истифодаи қаламча-сӯзандоруро дар бар мегирад, дар бастаи картонӣ ҷойгир карда мешаванд.

Дорандаи шаҳодатномаи бақайдгирӣ

Федератсияи Россия ҶДММ «ГЕРОФАРМ»
191119, ш. Санкт-Петербург, кӯч. Звенигородская, х. 9. Тел: +7 (812) 703 79 75 (бисёршабака)
Факс: +7 (812) 703 79 76
Почтаи электронӣ: inform@geropharm.ru

Истеҳсолкунанда

Федератсияи Россия ҶДММ «ГЕРОФАРМ»
1. Вилояти Москва, шаҳри Серпухов, шаҳраки саноатии Оболенск, ҳудуди “Квартали А”, хонаи 1.
2. Вилояти Москва, шаҳри Серпухов, шаҳраки саноатии Оболенск, ҳудуди “Квартали А”, бинои 1, хонаи 5.
3. Вилояти Москва, шаҳри Серпухов, шаҳраки саноатии Оболенск, ҳудуди “Квартали А”, бинои 82, хонаи 4.

Ҳамаи даъвоҳои истеъмолкунандагон бояд ба намояндаи дорандаи шаҳодатномаи бақайдгирӣ ё ба дорандаи шаҳодатномаи бақайдгирӣ ирсол карда шаванд:

Федератсияи Россия ҶДММ «ГЕРОФАРМ»
196608, ш. Санкт-Петербург, ш. Пушкин, гузаргоҳи Ячевский, х. 4, бинои 1. Тел: +7 (812) 703 79 75
Факс: +7 (812) 703 79 76
Почтаи электронӣ: inform@geropharm.ru; farmakonadzor@geropharm.com

Манбаъҳои дигари маълумот

Маълумоти муфассал оид ба ин дору дар сомонаи Иттиҳод дастрас астhttps://eec.eaeunion.org/